FAQ

Atlasean ikusten dudanarekin irudiak sor ditzaket?

Atlasa.net eremuan eskaintzen diren mapa eta aplikazioen irudiak lortzeko bide desberdinak daude esaterako, teklatuaren “Pantaila Kapturazio” botoia erabiliz edota Xn-View edo Ultra-Snap bezalako programak erabiliz.

Zenbat adierazle irudika daitezke mapa gainean aldi berean?

Atlasa.net eremuko mapa kromatiko eta grafikoetan adierazle bakarraren zifrak irudika daitezke aldi berean. Datuak eskuratzeko, aldiz, hau da, adierazleak eskuratu nahi izanez gero deskarga orritik guztiak behera karga daitezke.

Adierazle asko daude Atlasean jasota. Aipatzen den informazioa lurralde maila guztietarako dago?

Oraingoz, Atlasean, demografia, ekonomia, gizartea eta inguruko datuak jasotzen dira. Hainbatetan, udalerri, eskualde eta herrialdeetako adierazleak errepikatzen dira, baina, beste batzuetan ez. Edozein kasutan, dauden adierazleen kontsulta egiteko jo datuak atalera.

Grafikoak gorde, editatu edo/ta inprimatu daitezke?

Atlaseko irudiekin bezala, grafikoak erabili nahi izanez gero infografia moduan, “Pantaila kapturazio” botoia, Xn-View edota Ultra-Snap bezalako programak erabili ditzakezu irudiak sortzeko.

Datuak Gaindegiak sortu ditu?

Atlasean agertzen diren adierazle guztiak estatistika iturri ofizialetan dute jatorria. Hainbat kasutan, metodologia eta bateragarritasun arazoak izaten dira lurralde mailako adierazleak ekoizterako garaian, baina, adituekin kontrastatutako metodologiekin, kaleratutako emaitza guztiak homologarri eta konparagarri dira munduko beste edozein lurralde eremu edo herrialderekin.

Baimen berezirik behar dut Atlaseko informazioa eta irudiak erabiltzeko?

Atlaseko datuak eta irudiak erabiltzeko arazorik ez da, beti ere, hauek nondik jasoak izan diren argitzen bada. Hau da, iturri moduan www.atlasa.net aipatzea ezinbestekoa da.